香港天氣又濕又熱，無論你朝早落咗幾多心機整靚個頭，一出門口好快就會塌返。對於好多女仔嚟講，髮型扁塌唔單止顯得臉大，仲會比人一種無精神、頭油過多嘅負面印象。到底頭髮扁塌怎麼辦？今日我哋就由根源出發，拆解女性頭髮扁塌原因，再教你點樣利用手邊工具同技巧，令頭髮可以維持全日空氣感！
點解個頭成日塌晒？4 大頭髮扁塌原因你要知
想解決扁塌問題，第一步係先搞清楚自己頭髮扁塌嘅原因。其實好多女仔髮型扁塌，都係因為頭皮環境、髮質同日常習慣出咗問題：
1. 頭皮過熱引發油脂分泌
頭皮油脂分泌太旺，加上成日戴帽焗住、長時間曬太陽或用太高溫既風筒模式吹頭，令頭皮長期過熱，刺激皮脂腺分泌更多油脂。當油脂黏住髮根，上面嘅髮絲自然被壓低，睇落就好似貼住頭皮。頭皮長期焗住，仲可能會引發頭皮炎症，令頭髮愈扁愈塌。
2. 先天細軟髮、髮量偏少
有啲女仔本身頭髮幼細，加上髮量唔多、髮絲直又軟，無咩支撐力，稍為出汗或者有少少濕度就會下垂。呢種頭髮扁塌嘅原因，只要適當洗頭護理，加上造型技巧，就可補救。
3. 用錯洗護產品、護髮太重手
好多女仔以為愈滋潤就愈好，用錯太厚重嘅髮膜或者潤髮乳，甚至將護髮油或精華直接搽到去髮根位，結果產品殘留會塞住頭皮，加重髮絲負擔。髮根畀啲油「拽住」向下沉，導致頭髮點吹都唔會起，自然會愈洗愈扁。所以扁塌原因未必係洗唔乾淨，而係過度護理，令到髮根承受唔起呢種重量。
4. 環境濕度高、吹頭梳頭方法錯
潮濕天氣、落雨、焗促嘅地鐵同巴士，都會令髮絲吸水、變重，支撐力大跌。再加上好多人吹頭都只係順住頭髮由上而下吹，甚至吹到半乾就瞓覺，第二朝起身髮根一定又扁又貼。呢啲生活習慣，都係令人長期覺得頭髮扁塌嘅隱形兇手。
唔想個頭塌晒？檢視女仔最易犯嘅洗頭／護理錯處
多女仔都有個疑問：明明每日都洗頭，點解頭髮都係咁塌？其實好大機會係你嘅洗頭步驟同產品揀錯咗。想知道頭髮扁塌怎麼辦？你要從以下嘅基本功做起：
1. 用無矽（Silicon-free）洗頭水＋每週深層淨化
對於頭髮扁塌女仔嚟講，含矽產品雖然令頭髮順滑但太重，會令頭髮愈洗愈塌。建議選用主打清爽蓬鬆嘅無矽洗頭水，並維持每星期一次「頭皮大掃除」，用磨砂膏或清爽精華清走日常積落嘅殘留物同老廢角質，從根源解決為什麼頭髮越洗越塌嘅煩惱。
2. 洗頭前預洗＋正確按摩手法
洗頭之前，先用梳輕輕梳鬆頭皮上嘅油脂同塵埃，再用溫水沖洗 30 秒進行預洗。洗頭嗰陣，試下用指腹輕輕畫圈咁按摩頭皮 1 - 2 分鐘，咁樣唔單止可以幫你捽走多餘嘅油脂同老舊角質，仲可以促進血液循環，係改善頭髮扁塌嘅重要一步。
3. 避開髮根禁區＋倒序洗頭法
記住護髮素、髮膜同護髮油淨係搽喺頭髮中段到髮尾就夠，一定要避開髮根位大約 3 - 5cm，否則殘留物會令髮根唞唔到氣。如果你係屬於極油髮質，可以試下先搽護髮素喺髮尾，沖乾淨之後再用洗頭水洗頭皮，確保髮根絕對清爽，唔會畀油分拖重晒。
4. 正確抹頭手法＋唔好長期包頭
洗完頭要徹底沖乾淨髮根同耳後位，用毛巾輕輕印乾而唔係大力搓，避免整傷髮鱗片。最重要係唔好包住毛巾太耐，因為濕熱環境會刺激出油。所以洗完頭 5 分鐘內吹頭，先係維持頭髮全日蓬鬆嘅關鍵。
學識三大吹頭技巧解決扁塌髮型！
想解決頭髮扁塌嘅最快方法就係吹頭。只要喺吹頭過程中使用適當嘅角度同溫度，就可以令髮根挺拔：
1. 由髮根開始吹
洗完頭之後，建議可先用負離子解結梳輕輕梳開髮尾嘅結，因為解結梳嘅長短梳齒設計可以減少拉扯，唔怕整斷頭髮。梳順之後，你就可以用手指或者寬齒梳將頭髮分區，將頭髮向相反方向撥起，再用風筒由下往上、逆着髮流吹。咁樣可以用熱風幫髮根向上支撐起，即使頭髮乾咗都唔會即刻貼返頭皮。
2. 90度對準髮根吹頭
例如你想左邊髮根更蓬鬆，可以將左邊頭髮撥去右邊，用風筒由下向上、微微斜吹向髮根位，等髮根離開頭皮。吹到差唔多 8 成乾，再撥返去正常方向，你就會發現髮根自然企高咗。
3. 善用圓梳同冷風定型
吹到最後階段，可以用中型圓梳捲起髮根位置少少，先用暖風固定形狀，再轉去冷風吹 10 – 15 秒，幫髮根「鎖定」弧度，防止髮根因餘溫未散而迅速下塌。
5 分鐘懶人急救術：教你點樣快速搞掂頭髮扁塌問題
如果你朝早冇咁多時間慢慢洗頭再吹頭，或者天生係極細軟髮，單靠洗頭護理未必夠，就可以考慮用造型工具做急救，幫你快速解決頭髮扁塌問題。
下面幫大家比較咗幾種常見嘅頭髮蓬鬆神器：
造型方式 | 蓬鬆效果 | 持久度 | 適合人士 | 需要時間 |
髮根燙 | 髮根明顯企起、有自然空氣感 | 視乎髮質，可維持 1 - 2 個月 | 長期扁塌、想一勞永逸嘅女仔 | 要搵髮型師，過程最少個幾鐘 |
墊高夾／髮根蓬鬆夾 | 集中整高特定位置，如瀏海或頭頂 | 約半日至一日，同樣要視乎天氣同髮質 | 想針對某個位夾高啲嘅女仔 | 每朝 3 – 5 分鐘就可 |
電棒捲／自動捲髮器 | 髮根蓬鬆得嚟，可以順便整埋全頭波浪 | 視乎溫度同有無噴定型劑，一般可以撐全日 | 想髮型有層次、又想要解決扁塌髮型嘅女仔 | 約 5 – 15 分鐘，視乎髮長同熟練度 |
如果你本身已經習慣用電棒整頭，其戴可以考慮轉用自動捲髮器，例如可設定固定溫度、時間同捲曲方向嘅款式，操作相對安全同穩定，對細軟易塌嘅髮質，做出嚟嘅捲度比較一致，髮根自然望落都會蓬鬆好多。
電棒捲與蓬鬆夾的操作參數設定
如果你想用電棒捲做出持久嘅蓬鬆感，又唔想傷髮，溫度同時間控制都係關鍵，可以留意以下幾點：
- 溫度設定：細軟髮建議用 140 – 160°C，相對溫和又足夠造型；一般髮質建議在160 – 180°C 左右；受損／漂過嘅頭髮則盡量控制喺 150°C 以下，並縮短每一撮頭髮受熱嘅時間，如 6 - 8 秒內完成。
- 時間與分層操作：自動捲髮器一般每撮設定 8 – 12 秒，視乎你想要自然微彎定係明顯卷度；將頭頂分開 2 - 3 層，每層夾住髮根約 3 - 5 秒，鬆開後等佢完全冷卻再撥鬆。
- 推薦神器：如果你平時唔係好叻整頭髮，可以使用 QUICO InstaCurl 32mm 自動捲髮器，佢嘅 32mm 大捲徑唔單止可以整髮尾，仲可以輕易帶起髮根弧度，維持全日嘅空氣感。
終於可以同頭髮扁塌講拜拜！5 分鐘搵返你嘅空氣感髮型
睇完以上攻略，相信你已經知道頭髮扁塌嘅原因其實係可以透過日常護理同工具嚟改善。與其每日出門口都要煩惱髮型扁塌，不如買返個真正幫到手嘅造型神器。無論你係細軟髮，定係趕時間嘅打工仔，QUICO 嘅美髮產品系列都係為咗香港女仔嘅實際需要而設。
特別推薦畀大家嘅 QUICO InstaCurl 32mm 自動捲髮器，佢除咗可以幫你捲出女神大波浪之外，最正係佢個 32mm 大捲徑可以輕鬆帶起髮根，等你可以喺 5 分鐘內搞掂蓬鬆全日嘅造型，唔使再日日煩惱頭髮扁塌要怎麼辦！
常見問題
1. 瞓覺可以點預防頭髮塌？
建議瞓覺前將頭髮向上撥，唔好壓係頭下面。另外，換上絲綢或緞面嘅枕頭套，可以減少摩擦，避免頭髮因受壓而變得更加扁塌。
2. 香港落雨天一出門，頭髮就扁塌點算？
落雨天濕度極高，建議出門前一定要噴上抗濕氣嘅定型噴霧。或者隨身帶一支細裝嘅乾洗髮粉，一旦發現髮根開始塌，即時噴係髮根並用指腹撥鬆。
3. 唔用熱工具都可以令頭髮蓬鬆嗎？
可以。洗完頭係髮根噴上蓬鬆水，然後用大號圓捲梳配合普通風筒吹乾。或者係化妝個陣，用大號髮捲夾住頭頂髮根，利用化妝嘅 15 分鐘時間自然定型。
