無論係頻繁染燙嘅人，定係壓力繁重嘅上班族，都會發現梳頭個陣，頭髮一拉就斷；每次洗頭後都成地碎髮。其實呢種現象，往往預示住髮芯結構已嚴重受損。當你嘅頭髮易斷裂個陣，單靠換洗頭水未必解決到問題，關鍵係要搞清頭髮易斷原因同對症下藥。跟住落嚟就一步步教大家點樣分辨斷髮同甩髮，仲有日常護理重點，幫你由源頭解決斷髮問題，令髮質回復強韌。
點樣分斷髮同甩髮？
好多人都分唔清「甩髮」同「斷髮」，以為一斷就係禿頭嘅警號，其實兩者原因同表現都完全唔同。斷髮通常係髮絲中段或髮尾脆化斷裂，髮根位置正常，屬於物理或護理問題；甩髮則係髮根連帶毛囊脫落，多數同生理有關。想知自己係頭髮脆弱易斷定係甩髮？試試以下3個自我檢查：
檢查項目 | 斷髮特徵 | 掉髮特徵 |
斷髮位置 | 中段或髮尾脆斷，髮根完整 | 髮根有白點（毛囊）脫落 |
斷口特徵 | 尖銳、毛躁或分岔狀 | 圓潤，無明顯損傷 |
每日數量 | 梳洗個陣碎髮多，但根部正常 | 超過 100 條完整脫髮 |
點樣先係唔正常甩髮？
- 每日甩髮量超標：人體正常每日會甩 50 - 100 條，洗頭時最多 150 條；如果連續 2 個禮拜，每日甩髮超過 150 條，就代表生長週期已失衡。[1]
- 頭皮可見大片稀疏：喺梳頭或洗頭後，頭頂或髮線會見到頭皮，甩出嚟嘅頭髮會有白點（毛囊），多數係由雄激素或壓力引起。
- 突然加速或局部集中：突然每日甩到 200 條頭髮以上，或只喺前額／頭頂集中甩，尤其係產後或壓力高峰期嘅女性最易出現。[2]
- 伴隨頭皮不適：甩髮加上頭皮痕癢、出油或甩皮，排除咗頭皮問題後，就要查下係咪真菌感染或營養不良。
- 持續超過 3 個月：短暫嘅甩髮可自癒，但如果係連續 3 個月都無改善，就要驗血橡查鐵質、維他命 D 同甲狀腺係咪出咗問題。[3]
2 大頭髮易斷原因
頭髮斷裂嘅原因通常涉及毛鱗片（Cuticle）受損。當保護層剝落，皮質層暴露，髮絲就會變得乾枯。頭髮易斷裂唔單止發生髮尾分岔，有時甚至會喺中段就發生折斷，呢個都同日常生活中嘅 2 大因素息息相關。
1. 物理性損傷
物理性拉扯同環境因素喺導致斷髮嘅直接元兇。濕髮個陣髮絲重力會加倍，毛鱗片張開，如果用細梳大力拉扯，斷裂率會增加 5 倍。而香港嘅濕度平均高達 80%，頭髮吸收多餘水分後會膨脹，變得軟脆，令頭髮容易斷尾。另外，如果發現頭髮經常頭髮經常斷尾，但完全唔處理，受損部位就會一直向上延伸。
2. 生理與環境
荷爾蒙失調係頭髮易斷嘅隱形原因。女性產後或更年期雌激素急跌，頭髮嘅生長期縮短，髮絲變得脆薄，容易喺中段出現斷裂；男性雄激素過高，同樣會令毛囊供血唔足，容易斷髮。
另外，香港白領壓力指數係亞洲最高，[4] 長期皮質醇激素高企，抑制咗膠原蛋白同生物素吸收，頭髮油脂分泌失衡，就變得乾燥易斷。有研究顯示，壓力大嘅人斷髮機會多 40%，因為毛囊進入休止期，髮芯營養唔足夠。[5]
減少頭髮斷裂嘅 7 個日常護理
想減少斷髮，就要留意以下呢 7 個日常護理，強健髮根防斷髮：
- 暖水洗頭：唔好用過熱嘅水（超過 40°C）洗頭，以減低毛鱗片損傷。
- 寬齒／負離子解結梳梳濕髮：由髮尾開始梳，避免拉扯髮根。
- 免沖護髮：每日用髮尾護髮，鎖水防乾。
- 低溫吹頭：保持喺 60°C 以下，距離15 cm。
- 每8週修剪：剪走分岔，防止分岔向上延伸。·
- 營養補充：食膠原蛋白及鋅，以強韌髮芯。
- 限用加熱造型工具：一個禮拜限用 2 次，用前先用具備「抗熱功能」嘅護髮精華或噴霧。
風筒溫度同斷髮嘅關係
研究顯示，高溫會令髮絲內嘅水分產生「泡泡反應」（Bubble Hair），增加斷髮情況出現。[6]
溫度 | 對髮絲結構影響 | 斷裂風險評估 |
低於 60°C | 毛鱗片自然平整，鎖住水分 | 極低，能改善頭髮脆弱易斷 |
80°C - 100°C | 表面油脂流失，結構開始受損 | 中等，建議縮短吹髮時間 |
150°C 以上 | 蛋白質變性，頭髮易發生斷裂情況 | 極高，會導致永久性損傷 |
瞓覺習慣同斷髮嘅關係
你可能冇諗過，斷髮嘅原因同枕頭有關。瞓覺個陣轉身會產生強大摩擦力，對於已經受損的髮質嚟講，無疑係二次傷害。所以建議留長髮嘅人，瞓覺前可以紮起一條鬆散嘅辮，減少頭髮同枕頭摩擦嘅面積，降低斷髮機率。
唔同枕頭套對防止斷髮嘅分別
摩擦系數（Friction Factor）
- 棉質枕頭套：纖維較為粗糙，表面佈滿細小纖維，同頭髮產生嘅摩擦力較大。當你喺瞓覺中途轉身，頭髮會被棉布卡住並強烈拉扯，直接加劇咗頭髮斷裂嘅機會。
- 絲質枕頭套：質地非常平滑，而且摩擦力極低，等髮絲可以自由滑動，有效減少物理拉扯造成嘅斷髮，同時都避免毛鱗片俾磨損。
水分保持（Moisture Retention）
- 棉質枕頭套：具有高度吸水性，會吸走髮絲天然油脂同護髮精華，令本來就脆弱易斷嘅頭髮，喺第二日起身個陣，髮質更加乾。
- 絲質枕頭套：不具吸收性，能鎖住髮芯水分，同埋保持油脂平衡，從源頭減少因乾燥而引發嘅斷髮情況。
靜電控制（Static Electricity）
- 棉質枕頭套：較易有靜電，令毛鱗片張開，增加頭髮打結嘅機會，導致梳頭時發生頭髮斷裂。
- 絲質枕頭套：天然抗靜電，能令髮絲保持整齊平順，係防止長髮發生易斷的必備神器。
頭髮天生細軟易斷裂點算好？
如果你天生髮絲偏幼、屬於頭髮脆弱嘅體質，護理重點應放喺「增加韌性」同「外層防禦」。建議定期使用含有阿甘油（Argan Oil）或者堅果油成分嘅免沖洗護髮素。呢類油脂分子細小，能夠滲透髮芯之餘，仲可以喺髮絲表面建立一層保護膜，減少物理摩擦對髮質造成嘅傷害。同時，盡量減少頻繁使用高溫造型夾，從源頭減低頭髮易斷嘅機會。
利用高速負離子技術，重塑強韌髮質
容易斷髮問題並唔係一日就可以解決。從了解頭髮易斷裂原因出發，到更換對髮質友好嘅吹整設備同瞓覺用品，每一個步驟都能顯著減少斷裂嘅情況發生。
日常吹整喺守護髮質嘅第一道防線。如果你有頭髮脆弱易斷困擾，推薦使用 QUICO Q-Travel 負離子高速旅行護髮風筒，佢配備嘅高速氣流，能縮短熱風接觸髮絲嘅時間，配合千萬級負離子技術，有效撫平毛鱗片，同埋減少靜電摩擦，從根本預防斷髮問題。
常見問題
1. 頭髮斷裂到咩程度要去睇醫生？
每日碎髮超過 200 條、頭皮痕癢或見血絲、連續 3 個月都無改善，就要即刻睇醫生。因有可能係荷爾蒙失調、鐵質缺乏或真菌感染，及早驗血，進行治療，避免惡化成永久性嘅斷髮。
2. 點解髮尾分岔成日都係比中段斷裂嚴重？
因為髮尾係成條頭髮中「年紀最大」嘅部分，長期累積嘅紫外線同燙染傷害，令毛鱗片大面積剝落，導致頭髮脆弱易斷。加上頭皮分泌嘅天然油脂難以傳送到末端，缺乏潤澤嘅髮尾就成為最嚴重的部分。
參考資料：
1. American Academy of Dermatology Association - Hair loss: Overview
2. Cleveland Clinic - Telogen Effluvium
3. WebMD - Understanding Hair Loss: The Basics
4. Cigna - 2022 Cigna 360 Global Well-Being Survey Reveals 9 in 10 in Hong Kong are Stressed and Burnt Out; 1 out of 5 Find Stress Unmanageable
5. heads & shoulders. - CAN DANDRUFF BE CAUSED BY STRESS?
6. Salon Apothecary - What Is Bubble Hair?
