QUICO作為一個香港品牌，很開心我哋嘅努力被獲認可，奪得2024年度最傑出髮型造型品牌大獎！

QUICO取自Quick and Convenient，我哋係一個致力發掘質素同美感並存嘅香港品牌，貫徹「輕.簡.美」生活哲學，輕柔地貼近日常，陶冶生活情調。

喺香港咁急促節奏嘅生活入面，簡單、簡約，已經成為咗一種難得嘅奢侈。我哋以「簡約」為品牌嘅理念，憑住香港品牌生活用品及電器，令我哋重新獲得屬於自己嘅生活節奏，掌握自己嘅步伐。
QUICO希望可以從生活中萃取出點滴嘅精華，令我哋重新發現同體會生活嘅意義同價值，將微小而簡單嘅快樂掌握喺手中。「既輕且簡」——呢個就係QUICO嘅起點，亦都係我哋作為香港本土品牌生活用品嘅初衷。

作為一個擁有自主研發嘅能力嘅香港品牌，同各行各業嘅專家同有經驗嘅生產商合作，配合我哋工程及市場部嘅經驗同能力去開發新嘅產品，並非一般大小品牌主要搵國內現成嘅產品去貼牌做銷售。

喺品牌成長嘅路上，我哋聽取咗不同用家、專業髮型師、化妝師嘅意見同訴求，配合方便用家自己都可以喺屋企簡單使用嘅設計，加上產品工程師及開發人員對產品全方位一絲不苟嘅細心，創造出唔同系列而備受一般用家及專業髮型師讚賞美髮造型產品。

例如我手上面呢一個遠紅外線負離子造型梳，就係一個我哋自主研發產品最好嘅例子。唔同長度嘅頭髮就有唔同嘅造型工具去做造型，呢個造型熱梳就十分適合我而家呢個shoulder length長度去做日常打理。當公司仲未有一個熱梳產品嘅時候，我就向公司提出：可唔可以做一把唔焫頸嘅熱梳俾我用呢？因為市面上大部份嘅熱梳夠力嘅都好焫手⋯ 好多時做到頸背同埋髮根嘅時候都好容易焫親或者做唔到想要嘅效果。喺產品設計師同工程部嘅努力研究之下，經過多次改善，一個夠熱又唔會焫手嘅專業造型熱梳終於面世，同時亦取得「鏤（漏）空結構設計」嘅防燙專利。哩個防燙專利設計，成功解決大部份香港人髮型扁塌嘅痛點，成為QUICO最高銷量產品之一。

另外，哩套Q-Swap係我哋嘅皇牌系列。我哋留意到市面上大部無線造型器雖然內置飛行模式，但唔可以手提上機，特別係香港人最鍾意去嘅日本。針對哩一點，我哋設計出一系列可以輕鬆換電、真正無線體驗嘅造型工具。Q-Swap其中一個最大嘅賣點係，所有配件都可以共用喺三個唔同功能嘅造型器上，客人唔需要購買大量配件。哩個都係我哋一直追求嘅「簡約」理念。

喺上年11月，我哋邀請咗一班專業髮型師同化妝師參與Q-Swap無線系列新品發佈研討會。透過即場示範同試用，得到在場嘅專業人士嘅讚賞，其後陸陸續續喺多個演唱會同埋電視節目後台到見到唔止一個髮型師用緊QUICO嘅產品。

呢一切都係QUICO成長嘅動力，我哋會更加努力，去研發設計更多適合香港人都市節奏嘅產品，令大家可以化繁為簡，擁有更好嘅生活。

#hkct #award2024 #最傑出 #髮型造型香港 #香港品牌 #quico #makeitsimple