香港天氣潮濕，原本打理好嘅蓬鬆頭髮，一出門後就容易出油、扁塌。不論係天生髮質細軟，還是因壓力同頭皮出油等後天因素導致扁塌，其實都可以靠日常護理及造型營造頭髮蓬鬆感。本文將會拆解成因同造型技巧，並教你用最科學嘅方法重拾蓬鬆髮根，夏天唔再擔心！
點解頭髮會塌？髮根失去支撐力的 3 大原因
不少人都以為頭髮愈洗得乾淨，就愈有支撐，但其實用錯方法洗頭、經常唔吹頭等，都令髮根無力。要擁有持久蓬鬆頭髮，首先要分清楚問題成因。一般頭髮扁塌都與以下 3 大原因有關：
原因 | 狀況特徵 | 對頭髮蓬鬆感的影響 |
頭皮油脂過盛 | 油脂會順著髮絲攀爬，增加重量，令髮根失去支撐。 | 油性頭皮若未有徹底清潔，可導致髮根被油脂堵住。 |
環境濕度高 | 毛鱗片吸收空氣中嘅水份，令髮絲變重且彈性下降。 | 香港夏天相對濕度常高達 80% 甚至 100%，水分過高打斷髮絲中嘅氫鍵（Hydrogen Bonds）而致毛躁、扁塌。 |
髮質與毛囊狀況 | 細軟髮質直徑小、支撐力弱；毛囊老化令髮絲變細。 | 遺傳或年齡增長導致嘅細軟髮質，天生較缺乏空氣感。 |
髮根蓬鬆方法與防止扁塌的日常護理
若天生髮質細軟，又經常覺得髮根好扁，洗頭時就要更加留意以下細節：
- 產品選擇：避開含過多矽靈（Dimethicone）嘅頭髮產品，應選擇具清爽豐盈、蓬鬆功效嘅洗頭水，做到深層清潔同時唔會令頭髮黐笠笠。
- 護髮塗抹位置：使用護髮素、髮膜時避免髮根位罝，只搽中段至髮尾。
- 洗頭方法：洗頭時重點清洗頭皮，用指腹輕輕打圈清潔，可加長沖水時間確保毛囊口嘅油脂徹底被帶走。
- 吹乾習慣：頭髮應吹至完全乾透，避免長時間維持濕髮。
用以上方法正確洗頭有助保持乾爽，再配合造型技巧，更輕鬆吹出自然空氣感。
唔吹頭會更塌？風筒吹乾 vs 自然風乾
有研究發現，濕髮會損害內部細胞膜複合層（Cell Membrane Complex），繼而令髮型鬆垮、毛鱗片不穩、髮絲易斷等［1］。洗頭後應盡快使用風筒快速收乾頭髮表面水分，保護髮絲免受傷害。以下一表睇清兩種方法嘅對比：
方式 | 優點 | 缺點 | 對頭髮的影響 |
自然風乾 | 省時間、唔需要工具 | 髮根易貼頭皮、乾得唔平均，容易有異味 | 好難做到蓬鬆髮根，頭髮風乾後更塌 |
風筒吹乾 | 可控制方向、溫度 | 較花時間同技巧 | 善用技巧可吹出持久蓬鬆感 |
如果覺得愈吹愈扁塌，大多係因為吹髮時只順住生長方向吹。正確方法應該先將頭髮倒前、由髮根向外吹，之後再反轉吹微調造型。
選擇風筒時，應揀輕身且風力夠大嘅產品，吹髮時風筒應與頭部保持約 15 厘米距離，確保快速吹乾同時防止頭皮因熱力過大受傷，對打造輕盈豐厚感非常有幫助［2］。
零失敗空氣感造型教學
要做到韓系、日系自然空氣感，其實唔一定要用好多產品，更重要係學識正確吹頭方法，令髮根「企返起身」。以下為大家拆解幾個令髮根蓬鬆方法：
1. 專業級頭頂吹澎技巧
平日洗頭後可按以下步驟吹乾、吹澎：
- 抗熱精華打底：吹頭之前，先攞適量嘅 QUICO 抗熱護髮精華均勻搽喺髮中至髮尾。精華會喺髮絲表面形成一層薄薄嘅保護膜，幫你隔走風筒嘅高溫傷害，同時撫平毛躁。
- 頭髮分區處理：將頭髮分成不同層次部分，由前至後逐小撮處理，吹出嚟嘅豐盈感先會夠平均。
- 由髮根反方向吹：每撮頭髮先撥向相反方向，配合圓梳喺髮根處向上推起一個弧度，再用風筒加熱，由下往上吹髮根約 5 至 8 秒。
- 待冷卻定型：吹完後唔好立即鬆開頭髮，應讓髮絲停留喺原位幾秒，等待自然冷卻定型。
以上方法建議配合埋負離子風筒使用，加上 QUICO 抗熱護髮精華嘅修護效果，更能中和髮絲靜電，等髮根呈現乾淨、唔毛躁嘅立體感！
2. Z 字形分界與低成本造型技巧
使用 Z 字形分界方法，對營造輕爽感覺亦非常有效。跟隨以下步驟就可輕易做到：
- 劃 Z 字形分界：用尖尾梳喺原本分界位置由前至後劃出細小 Z 字形分線，打破髮絲原本的慣性走向。Z 字越密，越能隱藏髮縫。
- 加強造型：喺新分線底下噴少量輕盈定型噴霧，再配合風筒低溫稍為吹一吹，可令蓬鬆頭髮維持更耐。
髮根蓬鬆夾（即「粟米夾」）同樣都可做到以上效果，但建議使用前先喺髮根噴少量蓬鬆噴霧打底，令造型更自然、持久。
不同髮質、環境下如何打造蓬鬆感？
對於唔同髮質、頭髮長度或環境，可透過適當調整技巧令髮根喺任何情況下都能夠維持空氣感：
1. 針對細軟髮與長髮女生
細軟髮質同長髪嘅髮根更容易失去支撐，可透過以下小技巧增加豐盈感：
- 避免用油性產品：細軟髮質最怕厚重，所以要避開含油性造型品，否則會令髮根更貼服。應揀針對細軟髮嘅噴霧或泡沫，搽喺髮根位置再吹乾效果最好。
- 利用噴霧加強層次：建議選用蓬鬆粉（Volume Powder）或者乾洗髮噴霧。
- 剪裁層次：可剪較有層次感嘅髮型設計，減輕頭頂負擔，讓底層頭髮撐起表層。
- 避免頭髮過長：太長容易因重量拉塌髮根，長度及至鎖骨或胸口位更顯輕盈。
2. 針對香港夏天頭髮油膩扁塌
若出街後頭皮出油、扁塌，可嘗試以下幾個簡單步驟即時改善：
- 噴上乾洗噴霧：隨身帶定迷你型乾洗噴霧，輕輕噴喺髮根後，再用手指搓鬆。
- 換邊分界：用手指將頭髮由髮根反方向撥鬆幾次，略略改變原本分界，即時營造輕爽效果。
- 用紙巾／吸油紙輕印：如果仍然感覺頭皮出油量多，可用紙巾輕印油光，之後再補噴少量乾洗劑補救。
香港夏天出汗多，油性頭皮若想維持一整日嘅蓬鬆頭髮，建議出門前先用清爽洗頭水同風筒徹底吹乾髮根，再配合少量具蓬鬆效果產品打底。
選擇正確工具 讓蓬鬆感成為日常
除以上提及維持頭髮、髮根持久蓬鬆嘅方法之外，揀啱吹頭工具亦有助更輕易吹出空氣感。一部擁有高風速、負離子功能嘅吹風機，可以喺唔傷髮質嘅前提下，快速吹乾髮根並定型。喺香港潮濕嘅夏天，想隨時隨地擁有立體感，就要用 QUICO Q-Travel 負離子高速旅行護髮風筒。它配備 1400W 及 120,000 RPM 的高速馬達，風力能夠瞬間直入髮根，加上摺疊式機身與環球電壓設計，不論去旅行還是在家都可以輕鬆打造持久嘅頭髮蓬鬆感！
常見問題
1. 蓬鬆頭髮產品推薦在香港怎麼選？
建議選擇質地偏清爽嘅霧狀產品，例如海鹽噴霧或蓬鬆粉。避免選用高亮度或黏稠度高嘅髮蠟，以免喺高濕度環境下加重頭部負擔。
2. 為什麼我吹完頭很快就塌了？
常見原因為洗頭後未有完全吹乾或冇利用冷風功能定型。即使髮根只係輕微濕沾，香港嘅潮濕氣候都會令塌陷迅速加劇，因此一定要吹至完全乾透。
3. 如何吹鬆髮根？
洗頭後將頭倒向前方，由髮根往逆生長方向倒著吹乾，可配合圓梳或手指將髮根向上推起，並用熱風塑形後切換至冷風作冷卻，讓弧度定型。
參考資料：
National Library of Medicine - Hair Shaft Damage from Heat and Drying Time of Hair Dryer
National Library of Medicine - Comparing hair tensile testing in the wet and the dry state: Possibilities and limitations for detecting changes of hair properties due to chemical and physical treatments
