唔少女仔每日朝頭早出門口之前，都要用一大輪時間打理頭髮，但係一撞到啲潮濕天氣或者出汗嘅時候，瀏海就即刻打回原形。而自然捲瀏海嘅女仔就更加慘，甚至每條頭髮都有自己嘅諗法，周圍飛嚟飛去。究竟瀏海自然捲嚴重嘅時候要怎麼整理？下文會解釋自然捲瀏海嘅成因，同教你點先可以處理好自然捲瀏海嘅技巧，等你唔洗再用咁多時間先可以岀門口，又可以整到持久服貼嘅精緻瀏海。

 瀏海自然捲嚴重嘅原因

明明兩邊啲頭髮好順滑，但點解瀏海嘅自然捲特別嚴重？呢個問題主要喺因為基因遺傳、毛囊形狀同後天環境因素有關。同埋前額嘅皮膚都比較薄，而且毛囊分佈密度高，所以當毛囊本身呈橢圓形或者彎曲狀嘅時候，新生出來嘅毛髮角蛋白結構分佈唔均匀，就會搞到頭髮天然有啲彎度。加埋，前額係頭皮分泌汗水同油脂嘅熱區域，所以頭髮吸收咗環境同體表嘅濕氣之後，氫鍵就會重新組合，搞到彎曲同毛躁感變得更加明顯。

海向兩邊彎嘅原因

除咗天然捲之外，前額特殊嘅髮流方向都係導致瀏海亂咁翹嘅原因。每個人前額嘅毛囊生長角度都唔同，有人天生嘅髮旋係雙向發散嘅髮流，咁樣會強行令頭髮生去唔同方向。當髮流嘅拉扯力結合自然捲嘅弧度，髮絲就會順住力道向兩邊彎曲或者形成唔好睇嘅八字分叉。

輕微彎曲、髮根亂流同嚴重自然捲有咩分別？

想要有效處理瀏海自然捲，首先要精準判斷自己頭髮嘅狀況：

  • 輕微彎曲：瀏海係 C 型或者 S 型嘅弧度，髮根方向正常，淨係髮中到髮尾有少少波浪，咁就可以用風筒同圓梳就可以整理好。
  • 髮根亂流：瀏海係分岔同拱起嘅話，就代表髮根生長角度向左或右傾斜，導致瀏海中間出現縫隙或者髮根異常拱起。
  • 嚴重自然捲：髮根到髮尾有不規則嘅緊密折痕，同埋嚴重嘅毛躁感，會對濕氣極度敏感，係最難控制嘅類型。

 

自然捲瀏海怎麼整理？

掌握正確嘅吹頭同造型步驟，係了解自然捲瀏海怎麼整理嘅重點。只要睇明白以下嘅技巧，就可以從根本改變頭髮嘅形狀記憶。

洗完頭之後嘅黃金 3 分鐘

洗完頭之後，趁頭髮仲係濕嘅狀態，可以靠吹頭重新整理頭髮內部嘅氫鍵結構。所以洗完頭之後要吹乾瀏海先，可以用圓梳順住自己想要嘅方向去吹，千祈唔好包太耐頭巾，錯過濕髮時間嘅黃金 3 分鐘。

瀏海拱起或分岔嘅補救教學

  1. 徹底噴濕髮根：重新吹瀏海之前，要用噴霧將髮根徹底噴濕到有少少滴水嘅狀態。
  2. 交叉撥吹法壓貼髮根：要用風嘴對準髮根，一邊用指腹將髮根壓緊喺額頭，一邊由左至右、再由右至左咁交叉吹乾，將原本亂糟糟嘅髮流方向吹返順。
  3. 向下平吹：髮根矯正好之後，要將風筒由上到下咁順住毛鱗片方向吹，將髮絲撫平。建議用風力高，溫度穩定嘅造型風筒，例如 QUICO HairEssence 風筒，110,000 RPM 高速無刷摩打，瞬間產生強勁氣流，加埋智能溫控同負離子科技，大概 3 分鐘就可以快速乾髮，同時又可以守護髮質。

髮中同髮尾嘅整理外翻小技巧

處理髮中同髮尾嘅時候，可以用直髮梳或者圓梳輕輕拉緊髮絲，將自然捲拉直。再用風筒順住加熱 5 至 8 秒，唔好即刻放開，要保持拉直狀態冷卻 3 秒，用熱脹冷縮嘅原理解決毛躁外翻問題。

 

處理過嘅自然捲瀏海仲係好攣？

好多人喺整理瀏海嘅時候成日都會唔小心犯咗啲小錯誤，就搞到髮型又打回原狀：

  • 冇等熱度冷卻就放開：頭髮塑形靠加熱，定型靠冷卻。如果啱啱夾完或者吹完就即刻鬆開，造型就好易變形。
  • 護髮或造型品搽得太多：喺瀏海搽得太多嘅髮尾油或者重質髮乳，就會令髮絲因為太重而塌咗，而且油脂又會加速頭髮吸收濕氣變捲，令髮型變型。
  • 夾燙時過度拉扯或溫度過高：溫度太高會破壞頭髮結構，令毛鱗片受損剝落，搞到頭髮變得毛躁。

瀏海又捲又毛躁點算好？

瀏海又捲又毛躁嘅嚴重情況，可以喺吹頭之前搽少少輕盈嘅免洗護髮精華喺髮尾。吹乾之後用具備負離子功能嘅護髮梳或者溫熱造型工具，就可以快速撫平層飛散嘅細毛，鎖住水分，例如細細部嘅 QUICO Q-Travel 迷你瀏海梳，可以隨身攜帶，加埋智能控溫功能，可以一秒拯救嚴重嘅亂翹瀏海，全日保持靚靚髮型。

 

自然捲適合邊種瀏海？

瀏海款式

控制難易度

瀏海分析

適合對象

長八字瀏海

★☆☆☆☆ 

重量較重，可以自然下拉壓平捲度，加上長度足夠收攏至耳後。

自然捲嚴重、懶得整理嘅人

厚齊瀏海

★★☆☆☆ 

髮量較多同有重量感，會相互堆疊壓制髮根亂流。

髮量充足、鍾意日韓風嘅人

短眉上瀏海

★★★★☆

缺少重量拉平髮絲，容易因捲度升高搞到瀏海嚴重外翻。

淨係啱輕微自然捲同鍾意每日整理嘅人

空氣瀏海

★★★★★ 

瀏海髮量極少冇重量，易受濕氣同汗嘅影響，一濕即刻分岔。

冇自然捲嘅人

 

對抗香港潮濕天氣嘅瀏海技巧

香港天氣濕度，係自然捲嘅最大敵人。如果空氣濕度超過 70%，水分會迅速滲透毛鱗片，破壞吹好嘅氫鍵結構。想防禦潮濕回捲，可以在吹完頭定型後，喺離額頭 15-20 厘米均勻噴一層抗潮定型噴霧。同埋出門口之前都可以喺額頭上拍一層定妝控油蜜粉，減少額頭汗水同油脂接觸瀏海嘅機會，保持瀏海清爽。

3 步教你朝早快速整理瀏海

朝早時間緊迫，如果不夠時間重新洗頭，可以按照以下 3 步快速救急：

  1. 局部噴濕髮根：用髮根噴霧將亂翹分岔嘅髮根局部噴到半濕。
  2. 加熱梳理造型：用造型梳或者便攜直髮工具，順住正確髮流方向快速拉梳 1-2 次。
  3. 再次定型：等造型工具嘅熱力散去之後，就可以再用定型髮膠噴一噴就可以快速出門。

QUICO Q-Travel 迷你瀏海梳幫你同自然捲講 Bye Bye

對於成日岀街嘅女仔嚟講，便攜式嘅理髮工具就好方便。QUICO Q-Travel 迷你瀏海梳專為前額同細微髮絲設計，輕巧機身方便隨身攜帶。無論係面對輕微彎曲、髮根分岔，定還是喺室外因為濕氣導致嘅毛躁亂翹，呢款迷你直髮梳都可以提供精準嘅溫控撫平效果，等你喺辦公室同戶外，都可以隨時整理髮型，重現順滑服貼嘅精緻造型。

QUICO 幫你打造全日完美髮型

面對嚴重難搞嘅自然捲瀏海，只要明白怎麼整理嘅技巧同背後嘅原因，就可以每朝都靚靚岀門口。如果想全日都保持完美造型，就可以考慮入手專業又好用嘅髮型工具去處理自然捲瀏海嘅問題。 QUICO 網站上面嘅產品包攬你吹頭到岀街嘅每個髮型需要，可以幫你輕鬆打造全日嘅完髮，從此每日都係 Good Hair Day。

 

常見問題

1. 自然捲適合剪瀏海嗎？
適合，但要揀啱款式同剪法。如果係屬於自然捲嚴重嘅人，建議避開空氣瀏海同眉上瀏海，揀帶有一定重量感嘅長瀏海或者厚齊瀏海，再配合正確嘅吹整技巧，一樣可以完美駕馭瀏海髮型。

2. 自然捲瀏海可以用離子夾嗎？
可以，但係用嘅時候需注意將溫度控制喺 140°C-160°C 之間，避免高溫拉傷髮絲，而且夾燙嘅時候要順住額頭弧度微微向下帶出自然 C 型弧度，避免太過死板僵硬。